Forca e Sigurisë së Kosovës ka dematuar deklaratat e deputetit të PDK-së Bekim Haxhiu, i cili ka thënë se pjesëtarët e FSK-së janë dërguar në Komisionin Disiplinor për çështjen e ushqimit.
Në një përgjigjen për Tëvë1, FSK-ja ka deklaruar se pjesëtarët e FSK-së kanë qenë dhe vazhdojnë të jenë të lirë në përzgjedhjen e ushqimit qoftë brenda kazermës apo jashtë.
“Nuk ekziston as edhe një rast i vetëm që pjesëtarët e FSK-së janë dërguar në Komision Disiplinor për çështjen e ushqimit. Pretendimet e deputetit Bekim Haxhiu janë të pavërteta. Pjesëtarët e FSK-së kanë qenë dhe vazhdojnë të jenë të lirë në përzgjedhjen e ushqimit qoftë brenda kazermës apo jashtë”, thuhet në përgjigjen e FSK-së.
Derisa, FSK-ja ka theksuar se ushqimi në kazermat e FSK-së përgaditet nga kuzhinierët e Shërbimit Korrektues të Kosovës dhe Qendrës Studentore.
“Ritheksojmë që ushqimi në kazermat e FSK-së përgatitet nga kuzhinierët e Shërbimit Korrektues të Kosovës dhe Qendrës Studentore, pavarësisht kësaj pjesëtarët e FSK-së si staf mbështetës duhet të jenë të përgatitur gjithmonë, sepse hipotetikisht në rrethana lufte s’do të mund të angazhohen në terren kuzhinierë profesionistë”, thuhet ndër të tjera./teve1.info/
