Forca e Sigurisë së Kosovës do të marrë pjesë për herë të parë në një stërvitje bashkë me KFOR-in, Policinë e Kosovës dhe EULEX-in.
Kjo stërvitje sipas njoftimit të KFOR-it do të mbahet më 9 e 10 qershor në në Kampin ‘Vrelo’ në Prishtinë që ka të bëjë me menaxhimin e krizave.
“Do të përfshijë mbi 600 personel. “Shpata e Artë 2025” është një tjetër demonstrim i prekshëm i bashkëpunimit të zhvilluar mirë dhe afatgjatë midis KFOR-it, EULEX-it dhe Policisë së Kosovës”, thuhet në njoftimin e KFOR-it.
Sipas njoftimit, për herë të parë, Forca e Sigurisë së Kosovës do të marrë pjesë gjithashtu në këtë ushtrim, në përputhje me mandatin e saj origjinal të mbrojtjes civile, përmes aktiviteteve të trajnimit mbi trajtimin dhe asgjësimin e sigurt të municioneve shpërthyese dhe materialeve të rrezikshme.
“Për herë të parë, Forca e Sigurisë së Kosovës do të marrë pjesë po ashtu në këtë ushtrim, në përputhje me mandatin e saj origjinal të mbrojtjes civile, nëpërmjet aktiviteteve trajnuese mbi trajtimin dhe asgjësimin e sigurt të municioneve shpërthyese dhe materialeve të rrezikshme”, thuhet në këtë njoftim./teve1.info/
