Po vazhdon tradita e angazhimit të trajnerëve italian në stolin e Kombëtares së Shqipërisë.
Pas emrave si Giuseppe Dosena, Gianni De Biasi, Christian Panucci e Edy Reja, tashmë drejtimin e kuqezinjve e ka marrë Rolando Maran.
Maran ka firmosur kontratë dyvjeçare me Federatën Shqiptare të Futbollit, ndërsa në krye të Shqipërisë do të debutojë në miqësoret me Izraelin dhe Luksemburgun, që luhen më 3 dhe 6 qershor.
Italiani 62-vjeçar ka zëvendësuar Sylvinhon, duyke vazhduar kështu lidhjen e fortë historike mes Shqipërisë dhe shkollës italiane të trajnerëve.
Kështu, Maran bëhet trajneri i pestë italian në historinë e kombëtares shqiptare, me Dossenan që ishte i pari në vitin 2002.
Dossena qëndroi vetëm dy ndeshje në krye të Shqipërisë, duke u zëvendësuar me De Biasin që ishte në postin e selektorit prej vitit 2011 deri në vitin 2017, ku edhe arriti kualifikimin historik në “Euro 2016”.
De Biasi udhëhoqi Shqipërinë në 52 ndeshje, ndërsa pas tij erdhi Panucci që u largua pas 15 ndeshjeve apo gati dy vjetëve, dhe u zëvendësua me Rejan që po ashtu nuk qëndroi për dy vjet të plota duke regjistruar 38 ndeshje.
Tani, koha është pë Rolando Maranin, i cili javën e ardhshme mbanë grumbullimin e parë me futbollistët e Kombëtares së Shqipërisë.
