Seriali i Ousmane Dembelesë ofroi një episod të ri këtë të diel. Francezi mbërriti në terminalin privat të fluturimeve në aeroportin e Barcelonës pasditen e së dielës dhe rreth orës 17:00 u shfaq në “Ciutat Esportiva de Sant Joan Despí” për t’u stërvitur.
Sulmuesi francez nuk bëri gjë tjetër veçse përmbushi kontratën dhe detyrimin e tij. U stërvit normalisht me skuadrën që ka kontratë.
Pavarësisht se francezi ka një marrëveshje “të kryer” me Paris Saint-Germain, detajet e operacionit nuk janë mbyllur dhe si lojtar me një kontratë ende në fuqi me klubin katalanas, ai ishte i detyruar të ndiqte stërvitjen.
Në fund të çështjes qëndron një luftë mes Barcelonës dhe përfaqësuesve të lojtarit, të cilët përjashtojnë çdo marrëveshje miqësore që mund të ishte bërë në turneun amerikan.
Barcelona nuk do t’ia bëjë të lehtë Dembelesë, i cili, ndryshe nga ajo që bëri me Borussian e Dortmundit gjashtë vjet më parë, kur nuk u paraqit te skuadra Gjermane në stërvitje, tani ka dashur të zbatojë me përpikëri rregulloren. Barcelona madje mund ta aktivizojë Dembelenë këtë të martë në turneun “Joan Gamper”.
