Ekipi shqiptar Bad News Eagles ka përfunduar garën në turneun IEM Rio Major në vendin e 12 –të, duke fituar çmimin rreth 20.000 dollarë. Në këtë turne Bad News Eagles arritën që të kualifikohen në fazën ‘Legends Stage’ ku mposhtën shumë skuadra të mëdha botërore, përfshirë këtu edhe ekipin më të mirë në botë FaZe, të cilët i eliminuan nga gara.
Pas paraqitjes fantastike në IEM Rio Major, tani ekipi Bad News Eagles renditet në vendin e 17 –të në ranglistën botërore të CS:GO, gjashtë vende më poshtë se herën e fundit.
Me këtë renditje ekipi shqiptar ka lënë mbrapa ish ekipin më të mirë të botës, si dhe fituesin e shumë turneve Major, Astralis të cilët renditen në vendin e 18 –të.
Të gjithë suksesin skuadra shqiptare po e arrin pa qenë pjesë e ndonjë organizate, dhe nuk dihet nëse në të ardhmen do të gjejnë shtëpinë e tyre të duhur.
Gara e radhës për ekipin Bad News Eagles pritet të jetë në turneun kualifikues ESL Challenger League.
