Tri ditë para ndeshjes së parë në “Euro 2024”, Kombëtarja e Francës po përballet me pasojat e përhapjes së një virusi në ekip.
Mediumet franceze kanë zbuluar se brenda ekipet janë një numër i madh i të infektuarve dhe të gjithë pak e shumë po kanë probleme me frymëmarrje, pasi virusi sulmon organet e frymëmarrjes.
Sulmuesi Kinglsey Coman dhe trajneri Dider Deschamps kanë pësuar më së keqi, pasi vazhdojnë të vuajnë nga ethet, dhimbjet e kokës dhe temperatura.
Madje, Coman nuk ka marrë pjesë fare në stërvitjen e së enjtes dhe ekipi mjekësor i Francës po bën gjithçka për ta aftësuar për ndeshjen me Austrinë.
Dueli mes Francës dhe Austrisë, luhet të hënën në Dusseldorf dhe i takon Grupit D, pjesë e të cilit janë edhe Polonia e Holanda.