Franca ka urdhëruar izraelin të tërheq forcat e tij nga territori sirian dhe të respektojë sovranitetin dhe integritetin e tij territorial.
Ajo paralajmëroi se çdo vendosje ushtarake në zonën e ndarë që është nën mandatin e OKB-së shkel obligimet ndërkombëtare të njohura.
Zëdhënësi i Ministrisë së Jashtme, Pascal Confavreux duke folur në një konferencë në Paris ka thënë se Franca “përsërit me vendosmëri” se Marrëveshja e Shkëputjes e vitit 1974 mes Izraelit dhe Sirisë duhet të respektohet nga të dy palët nënshkruese.
“Franca thërret për tërheqje të ushtrisë izraelite dhe insiston në një respekt të plotë ndaj sovranitetit dhe integritetit territorial të Sirisë,” tha Confavreux.
Ai shtoi se Franca mbështet vendosjen e një marrëveshjeje mes Izraelit dhe Sirisë “që synon të rikthejë relacionet e mira fqinjësore dhe të kontribuojë në një tranzicion paqësor drejt një Sirie të bashkuar.”
Ai theksoi më tej se çdo prani ushtarake izraelite brenda zonës së ndarjes “përbën shkelje të marrëveshjes së vitit 1974” dhe duhet të ndalet menjëherë, citon Anadolu.
Confavreux theksoi gjithashtu shqetësimin e Francës për përshkallëzimin e dhunës së lidhur me sulmet e kolonëve izraelitë në Bregun Perëndimor të pushtuar.
“Të gjitha planet që përbëjnë aneksim de facto, veçanërisht projektet e vendbanimeve që kërcënojnë integritetin territorial të Bregut Perëndimor, mbeten vija të kuqe për Francën”, përsëriti ai.
Ai shtoi se Franca vazhdon të mbështesë Autoritetin Palestinez si organin legjitim qeverisës si për Gazën ashtu edhe për Bregun Perëndimor.
