Në deklaratën e lëshuar nga zëdhënësi i Ministrisë për Evropën dhe Punë të Jashtme të Francës, thuhet se Franca është tejet e shqetësuar në lidhje me situatën në veri të Kosovës, raporton teve1.info
Franca ka kërkuar nga palët që të tregojnë përmbajtje më të madhe dhe të tregojnë përgjegjësi për të ulur tensionet.
“Franca është shumë e shqetësuar për situatën në veri të Kosovës dhe dënon fuqishëm sulmin e papranueshëm ndaj misionit të EULEX-it në Kosovë si dhe të gjitha aktet e dhunës në terren. Ai u kërkon palëve të tregojnë përmbajtjen më të madhe dhe të tregojnë përgjegjësi për të ulur tensionet”, thuhet në reagim.
Tutje thuhet se Franca mbështet ndërmjetësimin evropian i cili mundëson lëvizjen drejtë një marrëveshje globale dhe ligjërisht të detyrueshme mes Kosovës dhe Serbisë.
Po ashtu Franca ka kërkuar që të dy palët të riangazhohen në dialog.
“Franca mbështet plotësisht ndërmjetësimin evropian, i cili duhet të mundësojë lëvizjen drejt një marrëveshjeje globale dhe ligjërisht të detyrueshme ndërmjet Serbisë dhe Kosovës dhe të ecë përpara në drejtim të perspektivës evropiane të dy vendeve. Ajo u kërkon të dyja palëve që të riangazhohen në dialogun e lehtësuar nga BE”, thuhet në reagim./teve1.info
#Serbie #Kosovo | La France est très préoccupée par la situation au nord du Kosovo et condamne fermement l’attaque inacceptable contre la mission EULEX Kosovo ainsi que tous les actes de violence sur le terrain.
Déclaration → https://t.co/q4HlCFclCz pic.twitter.com/oZkAvBmUoZ
— France Diplomatie🇫🇷🇪🇺 (@francediplo) December 12, 2022
