FIFA, në bashkëpunim me markën Adidas, prezantoi këtë të mërkurë topin zyrtar të Botërorit që do të luhet në Katar pas disa muajsh.
Quhet Al Rihla, një fjalë arabe që shpreh konceptin e “udhëtimit”. Këtë të premte do të hidhet shorti i fazës finale për Kupën e Botës, ku përfaqësueset e shteteve që “prenë biletat” do të njihen me kundërshtarët, ndërsa numërimi mbrapsht ka nisur.
Skuadrat e fundit të Europës që siguruan kualifikimin për në Katar janë Portugalia që fitoi me rezultatin 2-0 ndaj Maqedonisë së Veriut, dhe Polonia që mundi Suedinë 2-0.
