Ministri në detyrë i Punëve të Brendshme, Xhelal Sveçla, ka thënë se është detyrë jetike që Lista Serbe të mbetet jashtë Kryesisë së Kuvendit.
Ai këtë e ka thënë duke publikuar foton e artikullit të Tëvë1 në të cilën shihen bashkë Millan Radoiçiq dhe Sllavko Simiq, i propozuar nga Lista Serbe për nënkryetar të Kuvendit.
Ndaj Simiq ka edhe aktakuzë për nxitje të sulmit ndaj gazetarëve në veri në vitin 2023.
“Meqenëse ky subjekt ka qenë i përfshirë aktivisht në sulmin ndaj Kushtetushmërisë, institucioneve të Republikës, KFOR-it, misioneve të huaja, gazetarëve e qytetarëve, është detyrë jetike që ky subjekt të mbetet jashtë Kryesisë”, ka shkruar Sveçla në Facebook./teve1.info/
