Analisti politik, Selam Shkodra, deklaron se ka informacione që në javën e ardhshme pritet të ketë një marrëveshje për formimin e qeverisë së re.
Shkodra thotë se në bazë të informacioneve që posedon një marrëveshje pritet të finalizohet mes LVV-së dhe kryetarit të Nismës Socialdemokrate.
“Mendoj që tashmë edhe Limaj ka nda mendje që të jetë pjesë e qeverisë, për vetë faktin që i njëjti nuk e ka dhënë një deklaratë të dytë, e cila do ta ndryshonte qëndrimin e tij, i cili tashmë është i njohur edhe përkundër faktit që ai ka pasur në një mënyrë nga vetë partneri që ka qenë në koalicion edhe nga subjektet e tjera opozitare. Në javën e ardhshme pritet të ketë një marrëveshje. Në bazë të informacioneve që kam pritet të ketë një marrëveshjes mes LVV-së dhe Limajt”, deklaroi ai në emisionin “Info Nata” në Tëvë1.
Sipas tij, për formimin e qeverisë, komunitetet joshumicë s’kanë qenë problem për zgjedhjen e institucioneve të vendit.
“Asnjëherë komunitetet joshumicë, përjashto Listën Serbe, nuk kanë qenë problem për zgjedhjen e institucioneve të vendit. Por, çdo herë është shfaqur problemi me mosmarrëveshjet që kanë pasur subjektet politike shqiptare pozitë apo opozitë, pra mosmarrëveshjet e tyre për ndarjen e pushtetit”, deklaroi Shkodra./teve1.info/
