Sot, Forcës së Sigurisë së Kosovës i shtuar në radhët e veta edhe 302 ushtarë të rinj. Me këtë, rast Ministri i Mbrojtjes, Ejup Maqedonci, ka thënë se formësimi i tyre si ushtarak fillon sot, dhe nuk duhet të përfundojë asnjëherë.
Po vijnë si ushtarët më të rinj të Forcës së Sigurisë së Kosovës.
Të rreshtuar e krahë njëri tjetrit, 302 rekrutët e FSK-së diplomuan të premten.
Ceremonia e tyre u mbajt me nderime shtetërore në kazermën “Skënderbeu” në Ferizaj.
Me këtë rast, prezent ishte edhe i pari i Ministrisë së Mbrojtjes, Ejup Maqedonci.
E komandanti i FSK-së, gjeneral brigade Jeton Dreshaj tha se kjo traditë do të vazhdoj me secilën gjeneratë që vjen.
Pas fjalimeve, ushtarët e rinj, u bënë gati nga komandantët e tyre për betim.
E në këtë ceremoni, morën pjesë edhe familjarë të shumtë.
Një nga familjarët, Selim Zymberi thotë se e ka pritur gjatë këtë ditë dhe nipi i tij e ka bërë krenar.
Në rastin e diplomimit, Forca e Sigurisë së Kosovës ndau edhe disa mirënjohje për ushtarët të cilët kanë qenë më të dalluar bashkë më komandantët e tyre.
