Ministria palestineze e Shëndetësisë thotë se 11-vjeçari është qëlluar për vdekje nga forcat izraelite në qytetin al-Rihiya, pranë Hebronit, në jug të Bregut Perëndimor të pushtuar.
Ministria e identifikoi djalin si Muhammad Bahjat al-Hallaq, raporton Al Jazeera.
Forcat e ushtrisë izraelite kanë arrestuar 35 palestinezë në të gjithë Bregun Perëndimor të pushtuar që nga mbrëmë, sipas një grupi për të drejtat e njeriut.
Shoqata Palestineze e të Burgosurve tha në një deklaratë se ushtria nisi një fushatë arrestimesh masive në të gjithë Bregun Perëndimor, duke përfshirë Jeninin, Nablusin, Tulkaremin, Hebronin, Qalqilyan, Jericho-n dhe Jerusalemin Lindor, duke dëmtuar shtëpitë dhe pronat e civilëve.
Fëmijë dhe ish-të burgosur ishin midis të ndaluarve gjatë bastisjeve, thuhet në deklaratën e cituar nga Anadolu.
Palestinezët janë përballur me një valë të intensifikuar dhune nga ushtria izraelite dhe kolonët në të gjithë Bregun Perëndimor, në hijen e luftës së Izraelit në Gaza.
Që nga 7 tetori 2023, më shumë se 1.000 palestinezë janë vrarë dhe gati 10.000 të tjerë janë plagosur në të gjithë Bregun Perëndimor të pushtuar nga forcat izraelite dhe kolonët e armatosur, sipas shifrave të OKB-së.
