Federata e Futbollit të Kosovës (FFK), ka njoftuar se Edon Zhegrova, Arijanet Muriq e Florent Muslija janë larguar nga përfaqësuesja e Kosovës për ndeshjen me Qipron. Ata kanë thyer rregulloren disiplinore.
“Me vendim të përbashkët të përzgjedhësit Franco Foda dhe Federatës, tre futbollistët: Arjanet Muric, Edon Zhegrova dhe Florent Muslija janë larguar nga grumbullimi i ekipit kombëtar, për shkak të thyerjes së rregullores së ekipit kombëtar të vendosur nga përzgjedhësi dhe Federata. Për masat e mëtejme ndaj futbollistëve në fjalë, do të vendoset nga Komiteti Ekzekutiv i FFK-së. Ndërkohë, ekipit do t’ i bashkohet, portieri që ka qenë në listen e pritjes, Faton Maloku nga FC Drita”, njofton FFK-ja.
“Dardanët”, sot marrin rrugën drejt Qipros, ku të hënën prej orës 18:00 do luajnë në Larnaca.
