Selektori i Kombëtares së Kosovës në futboll, Franco Foda, pret fitore ndaj Islandës në Prishtinë.
Foda ka vlerësuar lart Islandën, por synon fitore të enjten në stadiumin “Fadil Vokrri” në kryeqytet në ndeshjen që starton në orën 20:45.
“Kemi disa mungesa dhe duhet të gjejmë zgjidhje të reja. E dimë se Islanda luan lojë intensive dhe agresive, por ne do të mundohemi që idetë tona t’i paraqesim në fushë, të paraqitemi si ndaj Rumanisë dhe të fitojmë në shtëpi. Pres të zbatohen të gjitha kërkesat tona në fushë”, ka thënë Foda.
Foda ka folur edhe për Meriton Korenicën, i cili po kalon formë të mirë në kampionatin rumun duke thënë se mesfushori është në planet e tij dhe nëse vazhdon me formë të lart, do të ftohet në të ardhmen.
Për Etnik Brrutin që është ftuar të Kombëtarja e Shqipërisë, Foda ka thënë se ai ishte në planet e tij por jo për ndeshjet me Islandën.
Sa i përket kapitenit Amir Rrahmani, Foda ka praniar se ka probleme të lehta muskulore por mbrojtësi do të jetë i pranishëm në grumbullim.
