Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur kushtet për t’u bërë anëtare e plotë e Këshillit të Evropës. Raporti është votuar me 31 vota për, 4 kundër dhe 1 abstenim. E një votë nga ato kundër u dha nga shteti fqinj i Kosovës, Mali i Zi, përkatësisht nga deputetja serbe, Maja Vukçeviç.
Kështu, analisti nga Mali i Zi, Sami Flamuri po vlerëson se vota e Vukçeviç nuk përbën politikën zyrtare të këtij shteti.
Flamuri ka thënë se deputetja Vukçeviç ka votuar kokë në vete, duke qenë se ajo vjen nga një parti pro serbe e pro ruse.
“Vota e Vukçeviç nuk përbën politikën zyrtare të jashtme të Malit të Zi dhe si e atillë është një votë që shkon pro partisë së saj, që është parti pro serbe dhe pro ruse në Parlamentin e Malit të ZI. E bëri kokë në vete dhe kjo nuk do të ndodhë kur zotëri Ivanoviq që është i cili është ministër i Punëve të Jashtme i Malit të Zi, do të nënshkruaj në Këshillin e Evropës” është shprehur ai në emisionin “Ditari” në TËVË 1.
Në votimin final, atë të majit në Komitetin e Ministrave, sipas Flamurit, Mali i Zi do të votojë pro regjistrimit të Kosovës në KiE.
“Mali i Zi do të votoj pro regjistrimit të Kosovës, dhe kjo është e pa cenueshme“, theksoi shkurt ai.
Kujtojmë që, Kosova e paraqiti kërkesën për anëtarësim në Këshillin e Evropës më 12.05.2022. Në prill të vitit 2023, pas një mbledhje të jashtëzakonshme, Komiteti Ministror vendosi që ta dërgojë në Asamblenë Parlamentare të Këshillit të Evropës kërkesën për anëtarësimin e Kosovës në këtë organizatë.
Ditë më parë, tre liderët e shtetit: presidentja, Vjosa Osmani, kryeparlamentari,Glauk Konjufa dhe kryeministri, Albin Kurti i kanë dërguar një letër raportueses për Kosovën, Dora Bakoyannis, duke u zotuar se do t`i zbatojnë të gjitha masat që i kërkohen Kosovës pasi të bëhet pjesë e Këshillit të Evropës. /teve1.info/
