Mbreti i Britanisë së Madhe, Charles III, gjatë një vizite zyrtare në Shtetet e Bashkuara, theksoi rëndësinë e “lidhjes së veçantë” mes dy vendeve në një fjalim të mbajtur në Kongresin e Shteteve të Bashkuara.
Ai i bëri thirrje SHBA-së që të rikthehet te aleancat tradicionale evropiane dhe të riafirmojë rolin e saj si mbrojtëse e vlerave liberale, shkruan Guardian.
“Fjalët e Amerikës kanë peshë dhe kuptim, siç kanë pasur që nga pavarësia. Veprimet e këtij kombi të madh kanë edhe më shumë rëndësi”, tha Charles.
Fjalimi i tij para seancës së përbashkët të Kongresit – i pari i një monarku britanik në 35 vjet – u konsiderua momenti kulmor i vizitës katër-ditore shtetërore në SHBA, ku ai dhe Camilla po marrin pjesë në aktivitetet për shënimin e 250-vjetorit të pavarësisë.
Charles vuri në pah lidhjen historike mes dy kombeve, duke theksuar: “Aleanca që dy kombet tona kanë ndërtuar gjatë shekujve – dhe për të cilën jemi thellësisht mirënjohës ndaj popullit amerikan – është vërtet unike.”
Gjithashtu, ai kërkoi “vendosmëri të palëkundur” në mbështetje të Ukraina dhe popullit të saj, me synimin “të sigurohet një paqe vërtet e drejtë dhe e qëndrueshme”.
