Feyenoordi holandez ka shënuar fitoren e dytë në Grupin E të Ligës së Kampionëve, pas fitores ndaj Lazios italiane.
Feyenoordi të mërkurën mbrëma fitoi në shtëpi përballë Lazios me rezultatin 3:1, në ndeshjen e tretë të fazës grupore.
Santiago Tomas Gimenez në minutën e 31-të realizoi për 1:0, kurse algjeriani Ramiz Zerrouki, dyfishoi epërsinë në minutën e dytë të shtesës në pjesën e parë. Meksikani Gimenez e shënoi edhe një tjetër gol për 3:0. Për Lazion nga penalltia realizoi Pedro, shtatë minuta para fundit.
Elseid Hysaj luajti në pjesën e parë te Lazio. Feyenoordi pas tri ndeshjeve ka gjashtë pikë, kurse Lazio mbetet me katër pikë.
