Ish-sulmuesi i Liverpoolit, Roberto Firmino është larguar nga Arabia Saudite por jo edhe nga Lindja e Mesme.
Braziliani Firmino është transferuar në Katar, te skuadra Al Sadd, e cila e ka prezantuar sulmuesin të enjten.
Firmino me ekipin e ri ka firmosur kontratë dyvjeçare dhe do ta vazhdojë karrierën në Katar deri në verën e vitit 2027.
Ai në vitin 2023 u largua nga Liverpooli për t’u transferuar në Arabinë Saudite, ku me fanellën e ekipit Al Ahli ka shënuar 21 gola dhe ka bërë 17 asistime në 65 ndeshje zyrtare.
Në sezonin e fundit, Firmino me ekipin Al Ahli la triumfuar në Ligën e Kampionëve të Azisë.
