Ukraina ka nënshkruar të enjten një memorandum të ri mirëkuptimi për bashkëpunimin në fushën e Mbrojtjes me shtetin e Finlandës, që përfshin ndarjen e të dhënave , prodhimin e municioneve dhe projekte të përbashkëta të mbrojtjes, raporton The Guardian.
Ministri i mbrojtjes i Finlandës, Antti Häkkänen tha se marrëveshja bazohet në mbështetjen e dhënë Ukrainës gjatë tre viteve të fundit, pasi Finlanda “ndan të njëjtën pikëpamje për kërcënimin rus në dritën e përvojave tona historike”.
“Ky memorandum mirëkuptimi është një tregues se ne duam ta zgjerojmë dhe thellojmë më tej këtë bashkëpunim për të mirën e të dy vendeve”, tha ai.
Finlanda njoftoi një paketë të re ndihme prej 200 milionë eurosh për Ukrainën , që po pret miratimin përfundimtar, e cila do të rrisë vlerën totale të ndihmës së vendit në 3.3 miliardë euro, që nga fillimi i luftës.
