Finalja e Kupës së Kosovës në futboll do të luhet në stadiumin “Rexhep Rexhepi” në Drenas.
Në këtë finale, takohen Prishtina dhe Ballkani, ndërsa njoftimin se ku do të zhvillohet ndeshja e ka bërë publik ekipi nga kryeqyteti.
Finalja mes Prishtinës dhe Ballkanit, do të luhet më datën 22 maj dhe do të startoj në orën 15:00.
Prishtina është fituese në fuqi e Kupës së Kosovës dhe po synon ta mbroj këtë trofe pasi kjo është mundësia e vetme që edicionin e ardhshëm të paraqitet në garat e UEFA-s.
Në anën tjetër, Ballkani po synon ta fitoj për herë të parë në histori të klubit Kupën e Kosovës pas dy titujve të kampionit dhe një Superkupe.
Prishtina dhe Ballkani u patën takuar edhe në fillim të këtij viti në finalen e Superkupës të luajtur në Antalia të Turqisë, ndeshje që u fitua 2:1 nga bardhekaltrit.
