Puskas Arena në Budapest të Hungarisë, sonte me fillim nga ora 21:00 pret finalen e Ligës së Evropës. Një mjeshtëri finaleve, Jose Mourinho me skuadrën e Romës, ka përballë ekspertët e Europa Ligës, Sevillën.
Andaluzianët, që kishin fituar tre herë radhazi këtë trofe me Unai Emery, sonte kërkojnë triumfin e 7 në histori të klubit, ndërsa romakët që stinorin e kaluar fituan Ligën e Konferencave, kërkon që tani ta bëjë të njëjtën në një kompeticion më të fortë.
Tek Roma do të mungojë mbrojtësi shqiptar Marash Kumbulla, i cili edhe pse me paterica ka udhëtuar me shokët e tij në këtë ndeshje jetike për të. Përveç Kumbullës, në dyshim mbetet edhe mbrojtësi Karsdorp, ndërsa pjesa tjetër e grupit janë nën urdhrat e trajnerit portugez, varet nga ai kë vendos në fushë.
Tek Sevilla mungojnë Marcos Acunja për shkak të kartonit, teksa pasi eliminuan Manchester United kishin thënë se europa Liga eshtë gara e tyre.
Megjithatë, Mou nuk duket shumë i shqetësuar për këto deklarata.
“Historia nuk i fiton takimet. Ju shikoni finalet e realit të madridit dhe mendoni se ata fitojnë në secilën. Ju shikoni Sevillën dhe thoni “Sevilla fiton cdo finale”, por realiteti është se historia nuk i fiton ndeshjet.”
Ishtrajneri i Real Madrid dhe shumë skuadrave të tjera evropiane, vitin e kaluar ishte bërë trajneri i parë dhe i vetëm që fiton të trija kompeticionet evropiane.
