Aftësitë e kryeministrit të Kosovës, Albin Kurti, kanë ngjallur debat të ashpër ndërmjet dy të ftuarave në emisionin “Info-Nata” në Tëvë 1, ndërmjet profesorit, Sadri Ramabaja dhe ish-ambasadorit Belrim Canaj.
Canaj duke kritikuar qasjen e Kurtit, ka thënë se ka tentuar të sillet si “baba i të majtës”, madje ka thënë se është shtirë edhe më majtist se kancelari gjerman Scholz.
Ai tha se Kurti nuk ka mundur të bëjë dallimin ndërmjet të majtës së “kuqe” dhe asaj evropiane”
E pas kësaj ka reaguar Rambaja, duke thënë se Kurti është “ndër njohësit më të mirë të filozofisë”.
Por, Canaj i ka reaguar duke thënë se Kurti di me lexuar libra, por është politikani më analfabet.
“Kryeministri më analfabet ka dal të jetë Albin Kurti. Unë po thamë analfabet politik. Duke dashtë t’i tregojë botës, se unë jam baba i të majtës, shpesh herë nuk mund ta bëjë dallimin në mes të majtës së ‘kuqe’ dhe të majtës se si e kupton Evropa”, ka thënë Canaj.
Ndërsa, Ramabaja i është drejtuar Canajt se po e quan analfabet një njeriu që e ka funksionalizu republikën gjithandej.
“Pse po e mbron Kosovën po e i thua analfabet a, e ka funksionalizu republikën gjithandej”, tha ai.
