Ndërsa sulmi i Izraelit ndaj Gazës vazhdon, një konferencë kyçe e OKB-së, e bashkëorganizuar nga Franca dhe Arabia Saudite, sapo ka filluar në Nju Jork, ku Franca pritet të njohë zyrtarisht shtetin palestinez.
Presidenti francez Emmanuel Macron dhe princi i kurorës së Arabisë Saudite Mohammed bin Salman do të flasin të parët, të ndjekur nga sekretari i përgjithshëm i OKB-së, António Guterres, dhe më pas nga udhëheqës të tjerë botërorë, shkruan The Guardian.
Presidenti palestinez Mahmoud Abbas do të flasë gjithashtu, por vetëm nëpërmjet video-lidhjes pasi administrata Trump refuzoi të lëshojë viza për Abbasin dhe delegacionin e tij për të marrë pjesë në tubimin në Nju Jork.
