Agjencia e Ushqimit dhe Veterinarisë (AUV), në bashkëpunim me kompaninë përkatëse, ka nisur sot procesin e asgjësimit të 35,170 kilogramëve peshk, në bazë të vendimit të Gjykatës Komerciale në Prishtinë.
Në njoftim thuhet se ky veprim po realizohet sipas aktvendimit dhe ka për qëllim mbrojtjen e shëndetit të konsumatorëve si dhe respektimin e standardeve ndërkombëtare të cilësisë.
AUV ka theksuar se do të vazhdojë të mbikëqyrë nga afër proceset e ngjashme për të garantuar që produktet që qarkullojnë në treg të jenë të sigurta për konsum.
