Ministria e Shëndetësisë ka njoftuar se ka filluar aplikimi për përzgjedhjen e mjekut familjar. Procedura sipas MSH-së do të jetë e njëjtë sikurse aplikimet e mëhershme që janë bërë në e-Kosova.
“Për të përzgjedhur mjekun tuaj familjar duhet të keni një profil aktiv në platformën eKosova”, ka njoftuar Ministria e Shëndetësisë.
MSH-ja megjithatë thotë se projekti do të jetë vetëm në disa lagje të Prishtinës dhe në komunat Prizren, Lipjan e Istog.
“Për vëmendje: Ky pilot projekt filloi zbatimin në 4 komuna: Prishtinë (QMF5 – Ulpianë dhe QMF6 – Bregu i Diellit), Prizren, Lipjan dhe Istog”, ka deklaruar tutje Ministria e Shëndetësisë.
