Në kuadër të programit “Filharmonia në lëvizje”, Orkestra e Filharmonisë do të mbajë koncert më 6 prill 2024 në Pallatin e Kulturës “Asim Vokshi”, prej orës 20:00.
Kështu bëri të ditur Ministria e Kulturës në faqen e saj zyrtare, përcjellë teve1.info.
“Koncerti do të hapet me uverturën e operës “Cosi fan tutte” nga Mozarti. Në këtë program do të interpretohet edhe vepra “Odelette” nga Saint-Saëns, me solisten Zanë Abazi në flaut. Koncerti do të përmbyllet me interpretimin e Simfonisë Nr. 4 nga Schumanni. Mos e humbni këtë koncert, i cili do të dirigjohet nga Pëllumb Vula”, thuhet në njoftim.
Bëhet e ditur se hyrja në koncert është e lirë.
