Pas eliminimit në kualifikimet e Ligës së Kampionëve për sezonin e dytë rresht, KB Trepça aventurën evropiane e vazhdon në fazën grupore të FIBA Europe Cup.
Trepça u eliminua në çerekfinale të turneut kualifikues të Championsit nga Den Boschi i Holandës, ndërsa do të jetë pjesë e Grupit F të FIBA Europe Cup.
Krahas Trepçës, këtë grup e përbëjnë edhe Braunschweigu i Gjermanisë, PAOK-u i Greqisë dhe fituesi i përballjeve Bashkimi – Anwil.
Ndeshjen e parë në FIBA Europe Cup, Trepça e luan në udhëtim, ku më 15 tetor do të jetë mysafire e PAOK-ut në Selanik.
Pas këtij dueli, Trepça përballet me Braunschweigun gjerman në palestrën “Minatori” në Mitrovicë, ndeshje kjo që zhvillohët më datën 22 tetor.
