Federata e Futbollit te Kosovës përmes një njoftimi ka bërë të ditur se kur do të nisë edicioni i ri i Superligës, dhe i Ligës së Parë.
Sipas FFK-së, stinori 2022/23 do të nisë në javën e dytë të muajit gusht, kurse niveli i dytë i futbollit kosovarë në javën e tretë të këtij muaji. Shkak Kupës së Botës që do të nisë në muajin nëntor, Komisioni i Garave të FFK-së i është përshtatur këtij formati.
NJOFTIMI I FFK-së:
Edicioni i ri i garave 2022/23 në futbollin e Kosovës do të nisë në fundjavën e dytë të muajit gusht. Superliga garat do t’i fillojë më 13 gusht, derisa Liga e Parë më 20 gusht.
Siç dihet sivjet Kupa e Botës për herë të parë në histori të futbollit do të zhvillohet në periudhën 21 nëntor – 18 dhjetor, prandaj edhe kalendari i garave në të gjitha ligat do t’i përshtatet këtij formati.
Ndërkohë, deri në përmbyllje të edicionit aktual kanë mbetur të zhvillohen ndeshjet e javës së 36-të (të fundit) në Superligë, barazhi i Ligës së Parë, barazhi për Superligë dhe finalja e Kupës së Kosovës. /Tëvë1/
