Sikurse çdo fillim të vitit, edhe këtë herë, Federata e Futbollit të Kosovës (FFK), ka organizuar ceremoninë e ndarjes së stemave të FIFA-s për gjyqtarë dhe gjyqtare për vitin 2025.
Të pranishëm në këtë ceremoni, krahas gjyqtarëve dhe asistentëve ishin edhe kreu i FFK-së, Agim Ademi dhe kryetari i Shoqatës së Gjyqtarëve të Kosovës, Përparim Hasani.
Kryetari i FFK-së, Ademi vlerësoi punën e gjyqtarëve si në kampionatin vendor ashtu edhe në arenën ndërkombëtare, dhe kërkoi prej tyre që të vazhdojnë punën me përkushtim dhe vëmendje të shtuar.
Gjyqtarët kryesor që kanë marrë stemën e FIFA-s, janë: Visar Kastrati, Genc Nuza, Mervan Bejtullahu e Rita Vehapi.
Nuza e Kastrati kanë marrë stemat edhe për VAR, ndërsa asistentët e pajisur me stemë të FIFA-s, janë: Fatlum Berisha, Bujar Selimaj, Besnik Morina, Lumturie Muhadri, Edmond Zeqiri, Fatlum Sekiraqa, Granit Hyseni, Arbnor Bullatovci e Fitore Govori.
Në futsall, janë Florentina Kallaba, Besar Beqiri e Besart Ismajli me stemë të FIFA-s për këtë vit.
