Fetoshi në emisionin “Këndi i Debatit” në Tëvë1, ka thënë se që nga marrja e detyrës së saj, Gërvalla është kategorizuar me gafa dhe lëshime të cilat sipas tij në opinionin publik ka marrë epitetin e skandaleve.
“Pakujdesi, siç jemi mësuar me ministren tonë të jashtme e cila karakterizohet që prej marrjes së detyrës me gafa dhe lëshime të cilat në opinionin publik e ka marrë epitetin e skandaleve. Duhet ta themi se bëhet fjalë për lëshime të patolerueshme të cilat i referohemi të pozitës që mban Gërvalla bëhen edhe më të patolerueshme për shkak të joseriozitetit që transmeton”, tha ai.
Ai thotë se lëshimet nga Qeveria vien si pasojë e entuziazmit pushtetor dhe mungesës së përvojës në qeverisje.
“Unë besojë që kemi të bëjmë me një manifestim të dy faktorëve që e karakterizojnë qeverinë aktuale të vendit me lëshime serioze. Krejt kjo situatë vjen si pasojë e entuziazmit pushtetor dhe mungesës së përvojës në qeverisje”, tha Fetoshi.
Profesori universitar, kritikon Qeverinë për organizimin e pritjes së ministres së Jashtme të Gjermanisë. Sipas tij, ekzekutivi duhet të reflektojë në këtë pikëpamje.
“Edhe pritja e ministres së Jashtme gjermane që besojë që ishte brengosës mënyra jo vetëm si dështim organizmi në pritje e shefes së diplomacisë gjermane por edhe tërheq pas vetës domosdoshmërinë që qeveria duhet të reflektoj në këtë pikëpamje për shkak të joseriozitetit që transmetohet me këso lëshime”, tha më tej Fetoshi.
Sipas tij, është njerëzore të ndodhin gabime por jo kur ato bëhen dukuri e zakonshme në performancën e institucioneve të shtetit. /teve1.info/
