Sipas tij, i dërguari i Bashkimit Evropian për dialogun, Miroslav Lajçak ka dështuar në ndërmjetësimin e këtij procesi.
“E kemi parë që kemi një rikthim të fuqishëm të vëmendjes amerikane në procesin e dialogut, po ashtu e kemi një agjendë të ngjeshur tashmë, po ashtu edhe përpjekjen e dy udhëheqësve kryesorë evropianë, Scholz dhe Macron në këtë proces. Bashkimi Evropian nuk është ndonjë faktor i cili mund të imponojë zgjidhje. Në opinion kanë qarkulluar vazhdimisht diskutime për dështimin e Miroslav Lajçak si ndërmjetës”, tha Fetoshi i ftuar në emisionin ‘Këndi i Debatit”,
Tutje, Fetoshi në Tëvë1 tha se intensifikimi i dialogut nuk mund të ndodhë me kërkesë të Kosovës, teksa shtoi se Franca dhe Gjermania mund t’i japin fuqi ndërmjetësimit të Lajçak.
“Duke pasur parasysh që Franca dhe Gjermania janë dy fuqitë bosht të Bashkimit Evropian, natyrisht që kanë një aktivizim për t’i dhënë fuqi ndërmjetësimit të Lajçak. Po ashtu, njohja nga 5 shtetet e BE-së është shumë e rëndësishme. Mirëpo, intensifikimi ndodhë jo sipas kërkesës së Kosovës, intensifikimi ndodh për shkak të luftës së shkaktuar në Ukrainë dhe intensifikimi ndodh për shkak të partnerëve tanë strategjikë”, deklaroi Fetoshi tutje./Tëvë1.info./
