Profesori universitar, Arben Fetoshi, është shprehur i bindur se problemi themelor i veteranëve ka të bëjë me injorim dhe mungesë të vullnetit politik.
Fetoshi në emisionin “Këndi i Debatit” thotë se qasja e padrejtë ndaj vlerave të luftës nuk lidhet vetëm me qeverinë e Vetëvendosjes, por thotë që në këtë drejtim faje kanë edhe qeveritë e kaluara.
“Jam i bindur që problemi themelor ka të bëjë me injorimin, dhe jam i bindur që ka pasur mundësi dhe ka mundësi të gjinden zgjidhje është mungesë e vullnetit politik. Nuk lidhet qasja e padrejtë ndaj vlerave të luftës vetëm me këtë qeveri, edhe qeveritë e kaluara kanë faje në këtë drejtim”, tha ai në Tëvë1.
Fetoshi ka pyetur se deri kur do të sqarohen listat e sakta të veteranëve të vërtetë.
“Deri kur? Dy vjet të kësaj qeverie, disa qeveri të kaluara a duhet ta mendojmë deri kur duhet të vazhdojmë me pyetjen këta ‘nuk kanë qenë veteranë të vërtetë’, pra a duhet me u ndalë dikush me thënë ne duhet t’i sqarojmë listat saktë, dhe ne duhet të marrim veprime. Gjej zgjidhjet janë e ku nuk janë. Deri kur, 25 vjet pas lufte?”, tha profesori universitar.
Tutje ai tha se kush është veteranë i vërtetë e dinë vetëm strukturat e UÇK-së.
“Kush është veteranë e dinë strukturat e Ushtrisë Çlirimtare të Kosovës dhe pikë, askush tjetër nuk mundet. Ky është gabimi, pra sa herë që ne flasim u fryn listat, bëjnë këtë, bëjnë atë”, shtoi./teve1.info/
