I ftuar në “Këndin e Debatit” në Tëvë 1, ai thotë se deri te kjo ka ardhur si pasojë e një nënçmimi nga ana e Qeverisë kundrejt sindikatave dhe grevistëve.
“Mendoj që nuk është esenca nga ajo qe kemi parë gjatë këtyre ditëve të artikuluar nga zyrtarët të Sindikatave dhe në anën tjetër të Qeverisë nuk bëhet për një shumë të caktuar në të cilën insistojnë sindikalistët por e shoh problemin si mbarsje të një mungese të komunikimit dhe një qasjeje përjashtuese, nënqmuese dhe ironizuese të Qeverisë me grevistët dhe që ka për pasojë mungesën e një dialogu që është parakusht për tejkalimin e situatës”, tha ai.
Madje, Fetoshi duke përdorur zhargonin sportiv, deklaroi se “Kosova është një situatë të tollovisë para portës ku ose do të shënohet gol ose jo”.
Sipas tij, nëse “shënohet gol” i bie se do të gjendet një zgjidhje të dilet nga kjo situatë.
“Duke përdorur zhargonin sportiv mendoj që Kosova sot është si një situatë të tollovisë para portës kur natyrisht ose do të shënohet gol ose jo. Gol në këtë rast natyrisht do të ishte një zgjidhje e shpejtë që do t’i jepte shans normalizmit të punës në administratën e shtetit dhe planin e jashtëm”, shtoi ai./teve1.info/
