Sipas tij, për një vit kryeministrit Albin Kurti në Kuvend ka pasur qasje arrogante, e që kjo qasje sipas Fetoshit, ka ardhur për faktin se kryemionistri Kurti ndjehet i sigurtë politikish në bazë të mbështetjes së qytetarëve ndaj tij në zgjedhjet e kaluara.
“Tani kemi ardh në një situatë kur opozita ka vendosur që ta përdorë një prej mjeteve të opozitarizmit sa herë që përballet me arrogancë jo vetëm të numrave, por edhe një arrogancë të diskursi arrogantë sepse mendoj qe për këtë një vit të udhëheqjes së Kryeministrit Kurti në parlament na ka ra me pa një kryeministër i cili asnjëherë nuk është marrë seriozisht me opozitën përkundrazi e ka relativizu rolin e saj dhe pikërisht duke e ndje së brendshmi një fuqi të jashtëzakonshme politike si rezultat i mbështetjes së qytetarëve në zgjedhjet e kaluara”, tha Fetoshi.
Tutje ai në emisionin “Këndi i Debatit” në Tëvë1 ka theksuar se tani opozita është duke shfrytëzuar instrumente politike të cilat sipas tij nuk i ka përdorur më herët. Fetoshi konsideron se këto instrumente do të konsistojnë në rezultate të favorshme.
“Në qoftë se tani kemi të bëjmë me një opozitë të bashkuar, me një instrument të parë të përdorur në mënyrë efektive nga opozita e bashkuar atëherë jam i bindur dhe prandaj e quajta lajm të mirë, sepse jam i bindur që përdorimi i këtij instrumenti të opozitarizmit në parlamentin e Kosovës jo vetëm që duhet ta vë në siklet ekzekutivin përkatësisht pushtetin aktual, mirëpo gjithsesi do të konsistojë në rezultate më të mëdha sa i përket temave të rëndësishme” tha ai.
Fetoshi tha se kjo qasje e re e opozitës po jep shenjat e para që sipas tij do të kenë efekt në ndërrimin e qasjes arrogante të shumicës parlamentare, respektivisht Qeverisë.
“Kemi pa një opozitë jo shumë aktive për një vit qeverisje të kryeministrit Kurti dhe tani duket që po jepen shenjat e para të një opozitarizmi shumë më të fuqishëm dhe shumë më efektiv e që besoj që do të përcillet edhe me ndërrimin e qasjes arrogante që ka manifestu pushteti deri më tani kundrejt opozitës për çështje të rëndësishme të vendit tonë”, shtoi Fetoshi/teve1.info/.
