Një fotografi e hedhur në Facebook nga Liridon Fetahaj, ndezi një debat mes tij dhe kryetarit te Lirisë, Qemal Krasniqi.
“O skem gjall pa Gurbetqar”, ka shkruar anësori Fetahaj i ngazëllyer me ardhjen e mërgimtarëve në Kosovë.
Mirëpo e menjëhershme ishte replika e kryetarit te Lirisë, Qemal Krasniqi, duke thumbuar futbollistin Fetahaj: ”Paske naj interes ti”.
Megjithatë, i shpejtë ishte reagimi i sulmuesit të njohur kosovar. Ai tha se interesat e tij të vetme janë në Federatën e Futbollit të Kosovës (FFK): ”Qfar interesi ? Firm jo , pozite ne komun jo kemi gurbetqar duke nis nga vellau. Shihemi ne ffk Kryetar meqe ra fjala,ketu kam interes bajagi”.
Liridon Fetahaj duket që ka paralajmëruar kryetarin e Lirisë, Qemal Krasniqi, se do të ankohet në Federatën e Futbollit të Kosovës (FFK) për shkak se klubi prizrenas nuk ka kryer të gjitha obligimet financiare ndaj tij dhe për këtë ka qenë edhe ndarja mes Fetahaj dhe Lirisë.
Ai ishte pjesë e prizrenasve sezonin e kaluar në Ligën e Parë. Fetahaj ishte një nga më meritorët pse Liria në fund u promovua në Superligën e Kosovës. Pas përfundimit të edicionit, 31-vjeçari u transferua te Malisheva.