Shumë janë nisur në këmbë, e të tjerë kanë gjetur mjete alternative.
Përveç tyre, në Ditën Ndërkombëtare të Punëtorëve, vetëm autobusët urban janë lejuar të kalojnë në këtë pjesë.
E në hyrje të parkut të Gërmisë, numri i pjesëtarëve të Policisë së Kosovës është shtuar.
Ndërsa në rast intervenimi, të pranishëm ishin edhe pjesëtarë të Zjarrfikësve të Prishtinës.
Pavarësisht kësaj, parku i Gërmisë duket të jetë më i zbrazët se vitet e kaluara.
“Bash sivjet edhe vjet pak ka pasur njerëz. Popull ka pasur përpara shumë, përpara prej fshatrave vinim, e tash jo, ndryshe kanë ndikuar tash krejt, e kjo festë është ndërkombëtare për të drejtat e punëtorëve, a na shkojmë tubohemi festojmë, s’dimë as të drejtat tona me i lypë”, tha qytetari Isa Gashi.
“Po ndikojnë kushtet ekonomike, të drejtat e punëtorëve se nuk ka pasur të drejta, shkurt e shqip”, tha Besar Kokollari.
Mirëpo sipas disa qytetarëve të tjerë, të rinjtë nuk po kanë interes të punojnë meqë ndihen të zhgënjyer nga shteti.
‘Punën s’ua do, asgjë s’ua do, janë ftoh prej vendit të vet, çka ka mund të bëhet më keq…”, tha një tjetër qytetar.
Pavarësisht numrit më të vogël të qytetarëve që kaluan Ditën Ndërkombëtare të Punëtorëve në parkun e Gërmisë, nuk mungoi atmosfera festive.
Kronika e gazetares Albiona Hajdari.
