Fermerët kanë paralajmëruar protesta me mjete bujqësore para fabrikave që, sipas tyre, refuzojnë ose vonojnë pagesën për qumështin.
Në një njoftim për media, fermerët kanë kërkuar që pagesat për qumështin të kryhen me urgjencë, duke theksuar se vonesat po ua vështirësojnë vazhdimin e veprimtarisë dhe përballimin e shpenzimeve të fermave.
“Shoqata e Qumështoreve, prej një kohe të gjatë, u ka bërë thirrje operatorëve të biznesit që t’i përmbushin obligimet dhe ta paguajnë qumështin e fermerëve.Pa pagesën e qumështit, fermerët e kanë të pamundur të vazhdojnë veprimtarinë dhe të përballojnë shpenzimet e fermave të tyre.QUMËSHTI TË PAGUHET ME URGJENCË! KOHA ËSHTË TANI”, thuhet në njoftim./teve1.info/
