Një qytetar i Ferizajt ka dorëzuar në Policinë e Kosovës një portofol të cilin e kishte gjetur në rrugë, brenda të cilit ndodheshin dokumente personale dhe 160 euro.
Sipas njoftimit të Policisë, të enjten rreth orës 18:00, F. Abazi, i moshës 34 vjeç ka gjetur portofolin në rrugën “Gjergj Fishta” në Ferizaj dhe menjëherë e ka dorëzuar atë në stacionin policor.
Më vonë, në stacionin policor është paraqitur E.A. (24 vjeç) nga Shtimja, i cili kishte humbur portofolin.
Pas verifikimeve të kryera nga zyrtarët policorë, pronarit i janë kthyer portofoli, dokumentet personale dhe shuma prej 160 eurosh.
“Drejtoria Rajonale e Policisë në Ferizaj e falënderon publikisht qytetarin F.Abazi për veprimin e tij shembullor dhe human. Ky gjest dëshmon përgjegjësi të lartë qytetare dhe kontribuon në forcimin e besimit dhe bashkëpunimit ndërmjet policisë dhe komunitetit”, theksohet në fund të njoftimit./teve1.info/
