Ferizaj bëri një hap gjigant drejt mbijetesës, pas fitores bindëse ndaj Suharekës, të premten, në kuadër të javës së 23-të të Superligës.
“Ujqit” triumfuan 3:1, ndaj skuadrës që po ka probleme në pranverë, duke pësuar kështu humbjen e katërt rresht, në ndeshjen e gjashtë pa fitore.
Që në pjesën e parë, vendësit treguan forcën duke shënuar dy gola.
Albion Kurtaj nga pika e bardhë në minutën e 13-të dhe Edon Sadriu me një gol të bukur në fund të pjesës së parë, ishin shënuesit te Ferizaj.
Në pjesën e dytë, Suhareka u kthye në lojë me golin e Mevlan Zekës nga penalltia, por fitoren e bëri të sigurt për Ferizajn, , Musolin në minutën e 85-të, i cili realizoi për 3:1.
Kjo ishte fitorja e tetë e Ferizajt në këtë edicion, që e kalon tani Suharekën në renditje, duke dalë në vendin e gjashtë me 29 pikë.
