Nga ora 15:00 në Podujevë zhvillohet ndeshja mes Lirisë dhe Ferizajt, e vleshme për barazhin e Superligës së Kosovës.
Liria dhe Ferizaj ballafaqohen në kuadër të barazhit në stadiumin “Zahir Pajaziti” në Podujevë.
Ferizaj synon të mbetet në Superligë, kurse Liria synon të kthehet në elitën e futbollit të Kosovës pas një kohe të gjatë.
Për herë të fundit në Superligë, Liria garoi në edicionin 2018/19.
Liria vitin e kaluar nuk arriti inkuadrimin, pasi u mposht nga Vushtrria pas penalltive, në barazhin e Ligës së Parë.
Ferizaj dhe Liria pritet të kenë përkrahje shumë të madhe të shikuesve.
Fituesi i këtij ballafaqimi do luajë në Superligë edicionin e ardhshëm, teksa humbësi në Ligën e Parë.