Kuvendi i Kosovës ka mbyllur seancën e jashtëzakonshme për zgjedhjen e Presidentit, pas mbajtjes së rundit të parë të votimit në mungesë të partive opozitare.
Në seancë ishin të pranishëm 64 deputetë, ndërsa opozita e bojkotoi procesin.
Në rundin e parë të votimit, kandidatja Feride Rushiti mori 63 vota, ndërsa një votë u shpall e pavlefshme.
Kandidatja tjetër, Hatixhe Hoxha, nuk mori asnjë votë.
Procesi i votimit u zhvillua edhe pse në sallë nuk ishin të pranishëm dy të tretat e deputetëve, që kërkohet për fazat fillestare të zgjedhjes së Presidentit.
Pas përfundimit të rundit të parë, Albulena Haxhiu, kryesuese e Kuvendit, njoftoi se seanca do të vazhdojë të nesërmen.
“Këtë seancë do ta vazhdojmë nesër në orën 10:00”, deklaroi Haxhiu, duke u bërë thirrje deputetëve të opozitës që të marrin pjesë në vazhdimin e procesit./teve1.info/
