Fenerbahçe po e sfidon Galatasarayn për shërbimet e sulmuesit të Kosovës, Vedat Muriqi.
Pas raportimeve se trajneri i Galatasarayt, Okan Buruk ka kontaktuar Muriqin, bëhet e ditur se edhe Fenerbahçe ka nisur kontaktet me “Piratin”.
Dy skuadrat turke janë në garë të ashpër për Muriqin, i cili pritet që këtë verë të largohet nga Mallorca, ekip që gjasat i ka minimale për të qëndruar në La Liga.
Edhe Fenerbahçe po përgatit ofertën për Muriqin dhe është në pritje të Mallorcas, që sipas të gjitha gjasave do ta shesë sulmuesin 32-vjeçar nëse sezonin tjetër nuk luan në elitë.
Muriqi ka kontratë me Mallorcan deri në vitin 2029 dhe mund të largohet për të paktën 10 milionë euro nga ekipi spanjoll nëse nuk siguron mbijetesën këtë vikend.
Muriqi ka luajtur një sezon për Fenerbahçen dhe është i gatshëm për t’u rikthyer në Turqi pasi vlerësohet lartë nga të dyja skuadrat turke.
Në sezonin aktual, Muriqi ka shënuar 22 gola në kampionatin spanjoll dhe si te Fenerbahçe ashtu edhe Galatasaray, po shihet si përforcim i madh për sulmin.
