Gëzimi shihet ne fytyrën e tij.
Ky fëmijë bashkë me plot bashkëmoshatarë të tij u panë në sheshin e Ferizajt të shtunën.
Për nder te ditës së fëmijëve, në këtë qytet u organizua një aktivitet ku Policia bashkë me institucione tjera ekspozuan mjetet e tyre.
Interesim të madh pati edhe për ushtarët e Forcës së Sigurisë së Kosovës.
Të vegjlit ishin kurioz për të parë edhe nga brenda autoblindën e ushtrisë.
E këta të fundit janë të kënaqur me aktivitetet që u janë kushtuar atyre.
Derisa kapiteni i FSK-së tregon që ka pasur interesim të madh të fëmijëve.
Pjesë e këtij aktiviteti ishin edhe ushtarë të KFOR-it të cilët edhe iu veshën pajisjet e tyre fëmijëve.
E nga Policia e Ferizajt që janë edhe organizatorë të këtij aktiviteti, thonë se qëllimi është afrimi më i madh me komunitetin.
Majori, Qazim Reka tregon se të tilla do të ketë në vazhdimësi.
Për nder të kësaj dite, në sheshin e qytetit ishin edhe Ekipet e Emergjencës, Zjarrëfikësit por edhe nga HANDIKOS.