Deputetja e LVV-së, Arjeta Fejza ka deklaruar se partia e saj po vepron sipas të drejtave kushtetuese për konstituim të Kuvendit.
Fejza thotë se LVV-ja bazohet mbi direktiva dhe norma kushtetuese dhe jo mbi preferencat e çdo individi.
“Ne i kemi ftuar partitë politike LDK e PDK iu kemi ofruar një marrëveshje për ta zgjedhur komplet kryesinë e Kuvendit. Ne i kemi dërguar ftesë për marrëveshje LDK-së por nuk iu është përgjigjur marrëveshjes. Nga LDK thonë që nuk e votojnë asnjë kandidatë të LVV-së për kryetar të Kuvendit, nga PDK thonë nuk e votojnë asnjë që kanë qenë në kabinetin qeveritar, kurse nga AAK-ja japin disa emra preferenciale që nuk ka asnjë shpjegim për vetëm sepse janë preferencat e tyre, këtu ne po veprojmë sipas të drejtave tona kushtetuese, jo sipas preferencave. Ne po dëshirojmë që edhe konstituimi i Kuvendit edhe puna tutje të bazohet mbi direktiva dhe norma kushtetuese dhe jo mbi preferenca që mund t`i kenë individët aty në Kuvendin e Kosovës”, ka deklaruar Fejza në emisionin “Ditari” në tëvë1.
Tutje, ajo ka thënë se arsyeja pse opozita është kundër votimit të fshehtë është sepse Haxhiu i ka votat dhe kuvendi konstituohet.
Madje, ajo ka përmendur se ka nga disa deputetë të opozitës të cilët kanë deklaruar se do ta votonin Haxhiun.
“Opozita përveçse donë bllokim, nuk e kam të qartë që vijnë në seanca dhe nuk marrin pjesë në votim është absurde si sjellje. Arsyeja e vërtetë përse ata janë kundër votimit të fshehtë është sepse e dinë që në momentin që të ketë votim të fshehtë Albulena Haxhiu i ka votat, kalon dhe Kuvendi vazhdon të konstituohet e në këtë logjikë janë numrat edhe për Qeverinë. Ka deputetë të opozitës të cilët na kanë thënë direkt se do ta votonin Haxhiun. Unë se kam paramenduar se deputetët nuk do t`i votonin mandatet, ajo ka qenë njëra nga veprimet më të çuditshme që ka ndodhë në Republikën e Kosovës “, ka shtuar ajo tutje./teve1.info/
