Deputetja e Lëvizjes Vetëvendosje, Arjeta Fejza ka thënë se partitë e tjera po e shkelin rregulloren e Kuvendit, duke vazhduar debatin pasi që po mbyllet seanca konstituive.
Fejza tha se LVV-ja është e gatshme për debat, por që të realizohet ky debat duhet të bëhet konstituimi i Kuvendit të Kosovës.
“E kemi qëndrimin e deputetëve të opozitës të cilës përkundër çastësisë që kishte aktgjykimi i Gjykatë Kushtetuese, refuzojnë të marrin pjesë në votim duke pamundësuar konstituimin e Kuvendit të Kosovës. Në anën tjetër, ata po vazhdojnë me shkeljen e rregullores së Kuvendit, duke e vazhduar debatin pasi që po mbyllet seanca, ne sigurisht që jemi për debat dhe sigurisht që e kuptojmë se duhet të diskutohet por që të realizohet debati që të vazhdojë puna e kuvendit fillimisht duhet të konstituohet”, tha Fejza.
Fejza u bën thirrje deputetëve të partive tjera që të sillen në përputhjet ligjore që kanë obligim si deputetë të Kuvendit.
