Sipas tyre, presioni ndaj Kosovës dhe Serbisë pritet të rritet me qëllim që të arrihet një marrëveshje finale.
Këto veprime të fundit të diplomacisë amerikane i ka komentuar për Tëvë1 politikani i majtë Nenad Qanak.
“Problemi qëndron se NATO, Bashkimi Evropian dhe Shtetet e Bashkuara të Amerikës, për një kohë të gjatë u pajtuan të qëndrojnë në status-quo në raportet e tyre me Rusinë e Putinit. U pajtuan që me kohë problemet do të zgjidhen, por ja që nuk është kështu, lufta në Ukrainë tregoi një pasqyrë tjetër. Prandaj tani po shohim dinamizëm nga SHBA-të për çështjen e dialogut me Serbinë, ata e kuptuan që status-quo nuk është zgjidhje”, thotë ai.
Ndërkaq, sipas njohësit të çështjeve politike, Gunther Fehlinger, Prishtina tashmë është e gatshme për një marrëveshje.
“Ky proces ka filluar të merret seriozisht nga amerikanët, përpjekjet e tyre të fundit e tregojnë një gjë të tillë. Bashkimi Evropian nuk është i unifikuar, veçanërisht Franca është shumë e komplikuar, prandaj përkrahja nga Shtetet e Bashkuara të Amerikës është shumë e nevojshme. Përfaqësuesit amerikan duhet të shkojnë në Paris e Berlin që të zgjidhet ky problem më shpejtë, sepse Prishtina veçse është gatshme të arrihet një marrëveshje paqësore”
Diplomatët e lartë amerikan, kanë paralajmëruar vizita edhe në vendet e tjera të rajonit.
Kronika e realizuar nga Shpat Blakçori
