Ndeshja mes Kosovës dhe Izraelit, përfundimisht do të shtyhet dhe ky vendim pritet të bëhet publik gjatë ditës së sotme.
Mediumet izraelite kanë njoftuar të hënën se Federata e Futbollit të Izraelit edhe zyrtarisht i ka bërë UEFA-s, kërkesë për shtyrjen e duelit me Kosovën për shkak të luftës. Ndeshja mes Kosovës dhe Izraelit, ishte e paraparë të luhet më 15 tetor në Prishtinë në kuadër të Grupit i kualifikues për “Euro 2024”.
Po ashtu, është njoftuar se federata izraelite tashmë ka anuluar rezervimit e hotelit në Prishtinë, ku do të akomodohej para ndeshjes me Kosovën.
Gjithashtu, për anulimin e hotelit, federata izraelite ka njoftuar edhe Federatën e Futbollit të Kosovës (FFK). Në rast se konfirmohet shtyrja e këtij dueli, atëherë termini i ri i caktuar nga UEFA pritet të jetë në muajin dhjetor. UEFA, tashmë ka shtyrë ndeshjen e Izraelit që do ta luante ndaj Zvicrës më 12 tetor në Tel Aviv.
