Këtë thonë nga Federata e Bujqve të Kosovës.
Kryetari i kësaj federate, Tahir Tahiri,tregon disa arsye për rënie të rendimentit.
“Gruri ka qenë më i dobët se sa në vitet e mëparshme. Kanë ndiku këto kushtet klimatike, mandej kemi pas edhe një dëmtues hirin edhe ushunjëzën, por edhe dëme të hatashme ka bërë edhe breshëri”,thotë Tahiri.
Sipas tij, rreziku është të ketë më pak grurë.
“Sipas raporteve të aktivistëve tanë nga tereni, sivjet do të mbesim nën 3000 kg për hektarë”.
Ndërkaq Ministria e Bujqësisë bën të ditur se ende nuk dihet rendimenti mesatar i saktë për sivjet
“Për të ditur rendimentin mesatar të saktë për sivjet, në periudhën në të cilën jemi është herët që të flitet pasi që pas përfundimit të fushatës, Komisioni për Monitorimin e Korrje-Shirjeve e përgatitë raportin përfundimtar për këtë proces, ku do të dihet saktë rendimenti për këtë vit”, thuhet në përgjigjen e ministrisë.
Ndërsa fermerët kanë ankesa për çmimet e larta.
Bazuar në të dhënat statistikore ndër vite, rendimenti mesatar për kulturën e grurit në Republikën e Kosovës sillet nga 3500-4500 kg/ha.
Ndërsa sa i përket nevojave ushqyese me grurë për popullatën e Kosovës, ato janë rreth 200 kg për kokë të banorit për një vit, andaj për konsum vjetor nevojiten rreth 400,000 ton grurë.
Kronika e realizuar nga Albiona Hajdari
