Federata e futbollit në Angli ka goditur Chelsean me 74 akuza. Të gjitha lidhen me një periudhë 12-vjeçare ku pronar i klubit ishte Roman Abramoviç.
Federata akuzon Chelsean për shkelje të rregullave, që lidhen me agjentët dhe investimet e palëve të treta te lojtarët. Klubit londinez ndërkohë iu dha kohë deri më 19 shtator, për t’u përgjigjur.
Chelsea nuk vonoi aspak me deklaratën. Klubi tregoi se çështjet janë raportuar nga vetë grupi i pronarëve, që blenë Chelsea në vitin 2022.
“Dëshirojmë të shprehim mirënjohjen tonë për Federatën për angazhimin e saj me klubin në këtë çështje komplekse, e cila ka të bëjë me ngjarje që kanë ndodhur më shumë se një dekadë më pare”, mbyllet deklarata e ChelseaT.
